Google ADS

Bekim Haxhiu: Qeveria Kurti masakroi buxhetin e shtetit gjatë kohës së pandemisë

12:01 | 4 Qershor 2020
Arbresh Info

Deputeti i PDK-së, Bekim Haxhiu, ka akuzuar ish-qeverinë Kurti se ka masakruar buxhetin e shtetit gjatë kohës së pandemisë, ku sipas tij njerëz të afërt me ish-pushtetin kanë përfituar miliona euro.

“Ka ndodhur masakër me buxhetin e shtetit për përfitime personale. Andaj është e domosdoshme që të ketë komision hetimor parlamentar, se brenda një buxheti të shtetit janë nënshkruar kontrata të dyfishta”, tha Haxhiu, shkruan arbresh.info.

Ai tha se kompani të caktuara të afërta me pushtetin kanë marrë miliona euro gjatë coronavirusit, ndërsa qytetarët kanë qëndruar në shtëpi dhe bizneset janë mbyllur.

“Derisa qytetarët kanë ndejtur në shtëpi qeveritarët që ikën kanë vjedhur në pandemi, ndërsa bizneset u mbyllën në pandemi, pushtetarët e qeverisë Kurti u bën milionerë në pandemi. Kontraktuan në kohën e pandemisë më shumë se 5 milionë euro. Vetëm një kompani ka kontraktuar 3 milionë e 300 mijë euro në kohë pandemie e kishte vetëm dy punëtorë”, tha ai. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm